EU: Suala la uhamiaji na Ukraine, muhimu kujadiliwa katika mkutano wa kilele wa Ulaya

Viongozi 27 wa Nchi na Serikali wa Umoja wa Ulaya wanakutana mjini Brussels, Alhamisi hii tarehe 29 na Ijumaa 30, kwa mkutano wao wa kawaida mwishoni mwa mwezi Juni. Masuala mengi, kama vile uhusiano na China au bajeti ya Ulaya, yatakuwa kwenye ajenda ya mazungumzo.

Rais wa Tume ya Umoja wa Ulaya Ursula von der Leyen na Waziri Mkuu wa Finland Petteri Orpo wakipeana mikono kabla ya mkutano katika makao makuu ya Umoja wa Ulaya mjini Brussels, Juni 28, 2023. © Kenzo Tribouillard / RFI

Nchi 27 wanachama wa Umoja wa Ulaya pia watashughulikia suala ngumu la usimamizi wa uhamiaji. Hatimaye, wiki moja baada ya uasi uliyositishwa wa Yevgeny Prigozhin, uvamizi wa Urusi na hali ya Ukraine pia ni vitajadiliwa katika mkutano huo.

Na mwandishi wetu mjini Brussels, Pierre Benazet

Nchi za Umoja wa Ulaya zimefanikiwa, kukubaliana na kuweka utaratibu wa mshikamano wa kusambaza watu elfu thelathini wanaotafuta hifadhi kila mwaka kati ya nchi mnamo Juni 9, 2023 kurekebisha taratibu za hifadhi. Lakini ili kufanya kipengele cha ndani cha sera ya baadaye ya hifadhi kufanya kazi, kipengele cha nje cha sera ya uhamiaji lazima pia kifanye kazi: yaani, ulinzi wa mipaka ya nje na sera ya kurudi kwa wahamiaji wasiostahili kupata hifadhi.

Katika barua kutoka kwa Rais wake Ursula von der Leyen, Tume ya Ulaya inapendekeza kwa nchi 27 wanachama wa Umoja wa Ulaya kuunda mikataba ya ushirikiano sawa na ile iliyopendekezwa kwa Tunisia mnamo Juni 10. Umoja wa Ulaya inatarajia kuhitimisha makubaliano haya hivi karibuni, ambayo yatasababisha uwekezaji kwa shughuli za kukabiliana na magendo ya wahamiaji, usimamizi wa mpaka, shughuli za utafutaji na uokoaji pamoja na kurejea kwa wahamiaji Tunisia.

Tume inapendekeza kwa 27 makubaliano haya kama kielelezo ambacho kinaweza kutolewa tena na kutolewa kwa mfano kwa Misri. Wazo la makubaliano mapya na Uturuki pia limetajwa.

Ukraine katikati ya wasiwasi wa Ulaya

Uasi wa wanamgambo wa Wagner hauko kwenye menyu ya mijadala ya mkutano huu, lakini itajadiliwa hapo. Waziri Mkuu wa Estonia Kaja Kallas amethibitisha hili, wakati uwepo wa wanamgambo wa Prigojine huko Belarusi unazitia wasiwasi nchi za mpaka wa Ulaya kuhusu usalama wao wenyewe - na wasiwasi zaidi juu ya uwezekano wa mashambulizi ya Wagner kuelekea Kiev kutoka Belarus.

27 pia wana wageni wawili kwa mkutano huu, kwa upande mmoja Rais wa Ukraine Volodymyr Zelensky kwa njia ya video na kwa upande mwingine Katibu Mkuu wa NATO, Jens Stoltenberg. Katika muktadha huu wa wasiwasi wa ziada, Wazungu wanataka kuthibitisha uungaji mkono wao kwa kyiv na wanatayarisha tamko la pamoja juu ya ahadi za muda mrefu za usalama kwa ajili ya Ukraine. Wanaiona kama ishara kali sana ya kisiasa, usemi "ahadi za usalama" ukielezewa kuwa sawa na dhamana za usalama kati ya nchi za Ulaya au kati ya washirika ndani ya NATO.

Soma pia

Wagner: kwa Volodymyr Zelensky, Moscow lazima ipewe vikwazo kwa kufadhili shirika la kigaidi.

Kwa upande mwingine, Rais wa Baraza la Ulaya Charles Michel alirudia Jumatano asubuhi kwamba ombi la Ukraine la kufunguliwa kwa mazungumzo ya kujiunga mwaka huu litafanyika wakati 27 wamefanya mageuzi muhimu ili kuweza kuikaribisha Ukraine katika safu ya EU.