Katika Umoja wa Mataifa, madaktari wanaorejea kutoka Gaza wanaelezea hali isiyoelezeka
Madaktari wanne kutoka mashirika ya Madaktari Wasio na Mipaka, Map na MedGlobal walikuja kwa Umoja wa Mataifa Jumanne Machi 19 kueleza walichokiona wakati wa ziara yao ya muda mfupi huko Gaza. Wanaelezea hali isiyoelezeka, hali mbaya zaidi kuliko Syria, na uharibifu wa mfumo wa afya.
Imechapishwa:
Na mwandishi wetu huko New York, Carrie Nooten
Waliamua kwenda peke yao katika Umoja wa Mataifa kutoa tahadhari za haraka. Kwa mara ya kwanza, ujumbe wa madaktari wa shirika lisilo la kiserikali kutoka Marekani, Uingereza na Ufaransa, ambao walisaidia huko Gaza, wanaungana ili kuongeza uelewa miongoni mwa wanadiplomasia na watunga sera.
Madaktari hawa wameelezea masikitiko yao kuona misaada na vifaa vya afya vikizuiliwa kwenye malango ya Rafah kwa miezi kadhaa bila hata hivyo Israel kuwapa kibali cha kupita. Kutokana na hali hiyo, mamia ya maelfu ya Wapalestina huambatanisha mifuko ya plastiki kwenye makalio ya watoto, wenye matatizo ya kupumua na wale walio dhaifu zaidi wanakosa hewa kufuatia milipuko ya mabomu, wanawake hufanyiwa upasuaji kwa njia ya upasuaji bila ganzi. Hiyo ndiyo shida ya kila siku.
Lakini pia kuna ndege zisizo na rubani ambazo ziliingia mahospitalini na kuwalenga baadhi ya wenzao. Majeraha ambayo hawajawahi kuyaona na athari za kisaikolojia ambazo zitabaki na wakazi wa Gaza kwa vizazi vijavyo. Kwa upande wa wenzao walioingilia kati nchini Syria, wanasema hali ya Gaza ni mbaya zaidi, na wamelazimika kuwaambia wale ambao wana uwezo wa kudai usitishaji wa mapigano, huko Washington na New York.
"Kutangaza udharura"
"Mpango wetu ni kutangaza udharura. Tunahitaji tu kueleza jinsi hali ilivyo katika maeneo tulikozuru, mmoja wa madaktari hao amesema. Wanachama wengi wa jumuiya ya mashirika yasiyo ya kiserikali pia wanazungumza kuhusu kile kinachohitajika kufanywa: ufadhili mkubwa na msaada wa kutosha vitahitajika. Ikiwa "siku inayotangulia" ni kama siku itayofuata, hatutakuwa tumeendelea kwenye hali nzuri, na watu wataendelea kuteseka. "
Kulikuwa na vitanda 6,000 vya hospitali katika Ukanda wa Gaza kabla ya vita. Vimesalia vitanda 295. Madaktari hao wanatarajiwa kukutana na wajumbe wa Baraza la Usalama la Kitaifa, Congress na Seneti Jumatano hii mjini Washington.