Kesi ya Diane Rwigara kuanza kusikilizwa Kigali
Kesi dhidi ya Mwanasiasa wa upinzani Diane Rwigara, inaanza leo jijini Kigali. Rwigara mwenye umri wa miaka 37, anakabiliwa na mashtaka ya uhaini na udanganyifu.
Imechapishwa:
Kuelekea kuanza kwa kesi hii, mwanasiasa huyo ameliambia Shirika la Habari la Ufaransa AFP kuwa, Rwanda ni kama jela.
Mpema mwezi Oktoba Mahakama ya Rwanda iliamuru kuachiliwa kwa Diane Rwigara, anayeonekana kama mwiba kwa utawala wa Rais Paul Kagame, baada ya kuzuiliwa yeye na mama yake kwa muda wa zaidi ya mwaka mmoja kwa kusubiri kesi yake.
Diane Rwigara anakabiliwa na madai ya kughushi stakabadhi katika kujaribu kuwania uchaguzi wa urais mnamo mwezi Agosti 2017 na kuchochoea uasi. Wakati huo alikamatwa yeye na mama yake.
Kosa la kuchochea uasi linaadhibiwa kwa kifungo cha miaka 15. na kosa la kughushi stakabadhi linaadhibiwa kwa kifungo cha miaka 7 nchini Rwanda.