G20: Tamko la mwisho latawaliwa na vita nchini Ukraine
Mkutano wa kilele wa G20, unaoleta pamoja nchi tajiri na nchi zenye uchumi unaoibukia, unamalizika mjini Bali tarehe 16 Novemba. Ingawa havikuwepo katika ajenda rasmi, vita vya Ukraine kwa kiasi kikubwa vimetawala mijadala. Na taarifa ya mwisho imepitishwa.
Imechapishwa:
ilifahamika kuwa mkutano huu wa G20 hii utakuwa ngumu. Urusi kwa kuwa na uwezo wa kuhesabu hasa kutoegemea upande wowote kwa baadhi ya washirika wake kama vile China au India, kulikuwa na shaka hata juu ya kuchapishwa kwa taarifa ya mwisho mwishoni mwa siku hizi mbili za mkutano wa kilele, lakini mwishowe, viongozi hao waliokutana huko Bali waliweza kukubaliana juu ya tamko la pamoja ambalo "linalaani vikali vita vya Ukraine".
Na neno hili "vita" limeidhinishwa na wanachama wengi wa G20, ishara kwamba misimamo imebadilika kati ya nchi zinazoibuka. Jambo lingine mashuhuri, Kundi la nchi 20 tajiri, pamoja na Urusi, linasisitiza kuwa utumiaji au tishio la kutumia silaha za nyuklia haukubaliki.
Vita vinazidisha mzozo wa kiuchumi
Lakini G20 ni jukwaa la kiuchumi juu ya yote, na nakala inasisitiza kuwa mzozo wa Ukraine unadhoofisha uchumi wa dunia. Kwa hivyo viongozi walijitolea kudhibiti kupanda kwa viwango vya riba ili kuzuia kuyumba kwa soko la sarafu.
Mshikamano, hatimaye, na nchi za Kusini, G20 inatoa wito wa kufanywa upya kwa mkataba wa mauzo ya nafaka na kwa ajili ya usimamizi wa soko la nishati, gharama ya nishati imekuwa mzigo kwa walio hatarini zaidi.
Rais wa Ufaransa Emmanuel Macron akaribisha mkutano wa G20
Kwa upande wa Emmanuel Macron, G20 haijaenda mbali na vita vya Ukraine na hayo ni mafanikio makubwa machoni pake. Rais wa Ufaransa, anasema hatari ya mgawanyiko wa dunia kwa hakika imeepukwa kati ya, kwa upande mmoja, nchi za Magharibi pamoja na Ukraine na nchi kuu zinazoinukia ambazo, kwa kushindwa kuunga mkono Urusi, zimeilinda kwa kutoegemea upande wowote.
Hii ndiyo maana ya majadiliano ya pande mbili aliyokuwa nayo na Rais wa China Xi Jinping na Rais wa India Narendra Modi, nchi mbili ambazo hadi mkutano huu wa G20 hazijawahi kulaani vita vilivyoanzishwa na Moscow nchini Ukraine. Emmanuel Macron amebaini kwamba walipiga hatu bila shaka lilipokuja suala la nchi zinazoibuka. Na mkutano huu wa G20 utakuwa umefanya iwezekanavyo kutenganisha Urusi kidogo zaidi.
Rais wa Ufaransa, na hili lilikuwa mojawapo ya malengo aliyojiwekea kwa ajili ya mkutano huu, pia amekaribisha mshikamano ulioonyeshwa na G20 kuelekea nchi za Kusini, nchi ambazo, alikumbusha, zinalipa bei kubwa kwa vita ambayo sio yao.
Hasa, ametangaza mpango mpya wa G20 kuhakikisha usambazaji na uzalishaji wa mbolea kwa Afrika.