Chad: Mahamat Idriss Déby aapishwa kuwa rais wa kipindi cha mpito
Hii ni hatua mpya katika kipindi cha mpito nchini Chad. Mahamat Idriss Déby ametawazwa rasmi kama rais wa mpito Jumatatu, Oktoba 10. Sherehe ya kutawazwa kwake imefanyika baada ya mazungumzo ya kitaifa jumuishi, yaliyosusiwa na sehemu kubwa ya upinzani na mashirika ya kiraia.
Imechapishwa:
Sherehe zimeanza mwendo wa saa nne na dakika 15 kwa saa za nchini Chad, huku Mahamat Idriss Déby Itno, akisindikizwa na majaji wawili kutoka Mahakama ya Juu ya Chad, wakiingia kwenye ukumbi mkubwa wa Ikulu ya Januari 15. Alipokelewa na makofi kutoka kwa watu zaidi ya elfu moja, raia wa Chad na wageni kadhaa mashuhuri, akiwemo rais mmoja pekee: Muhammadu Buhari, Rais wa Nigeria. Umoja wa Afrika haukuwakilishwa katika hafla hii, Rais wa Tume ya Umoja wa Afrika, Moussa Faki, alikataa mwaliko uliotumiwa.
Serikali ya umoja wa kitaifa
Kivutio kikubwa katika hafla hii ilikuwa kuapishwa kwa rais wa mpito. Mahamat Idriss Déby ameapa kuhifadhi na kutekeleza mkataba wa mpito na kuhifadhi uadilifu wa nchi ya Chad.
Kisha akachukua sakafu kuwahutubia wananchi wake. Katika hotuba yake kwa taifa iliyodumu takriban dakika thelathini, alichukua hatua katika awamu hii ya pili ya mpito ya kuunda ndani ya "siku chache" serikali ya umoja wa kitaifa. Atalazimika kufanya kazi kama kipaumbele katika kurejea kwa utaratibu wa kikatiba katika muda wa miezi 24 ijayo.
Rais wa mpito pia ametoa wito wa kufanyika kura ya maoni ambayo itapangwa haraka iwezekanavyo, kama ilivyokubaliwa wakati wa mazungumzo, kuamua kati ya wale wanaotetea serikali kuu ya kijeshi na wale wanaofanya kampeni ya Shirikisho.