Somalia: Rais Farmajo afuta hatua ya kuongezwa muhula wake
Rais wa Somalia Mohamed Abdullahi Mohamed, kwa jina maarufu Farmajo, amelihutubia Bunge leo Jumamosi (Mei 1) wakati nchi hiyo ikiendelea kukumbwa na mvutano mkubwa.
Imechapishwa:
Ametangaza kuwa ameachana na nia ya kusalia madarakani kwa kipindi cha miaka miwili baada ya Bunge kupitisha mswadawa sheria unaoongeza miaka miaka miwili kwa rais kuendelea kusalia mamlakani.
Rais Mohamed Abdullahi Mohamed ametoa wito wa kuanza tena kwa mazungumzo. Hotuba yake imekwa ikisubiriwa kwa hamu
Katika uamuzi ulioonekana kuwa ni kinyume cha katiba, Baraza la Bunge lilipiga kura kuongeza miaka miwili kwa muhula wa rais kusalia madarakani.
Shinikizo limeongezeka katika siku za hivi karibuni kutoka pande zote kwa Bunge kufuta kuongezwa kwa muhula wa urais na kuwezesha kuanza tena kwa mazungumzo. Tena Ijumaa jioni, maandamano yanayounga mkono upinzani yalizuka katika mji mkuu, Mogadishu.
Bunge latakiwa kurejelea uamuzi wake
Akiongea mbele ya wabunge katika makao makuu ya Bunge, amewataka wabadilishe uamuzi wao kuongezwa kwa muhula wake wa kipindi cha miaka miwili na kuruhusu kurudi kwenye meza ya mazunumzo na makubaliano ya Septemba 17 mwaka uliyopita.
Makubaliano haya, yaliyosainiwa kati ya serikali na serikali za shirikisho, yalikuwa yaliruhusu uchaguzi ufanyike kabla ya kumalizika kwa muhula wa rais Farmajo mnamo Februari 8. Walakini, kutokubaliana kati ya vyama tofauti juu ya maandalizi ya kura kulizuia mchakato wa uchaguzi.