Baada ya kuahirishwa mara tatu, Japani yafanikiwa kurusha chombo chake mwezini
Misheni ya Japani kwenda mweziini imeanza siku ya Alhamisi, jaribio jipya la nchi hiyo kuingia katika klabu zilizochaguliwa za nchi baada ya kufanikiwa kuweka vyombo vyao mwezini, hatua ya kiteknolojia ambayo India ilitimiza mwezi uliopita.
Imechapishwa:
Baada ya kuahirishwa mara tatu tangu mwisho wa mwezi wa Agosti kutokana na hali mbaya ya hewa, roketi ya H-IIA kutoka shirika la anga za juu la Japani Jaxa iliruka Alhamisi kama ilivyopangwa saa 8:42 asubuhi kwa saa za Japan (sawa na saa 1:42 usiku saa Paris) kutoka kituo cha uzinduzi cha Jaxa, huko Tanegashima (kusini-magharibi mwa Japani), kwenye ukingo wa Bahari ya Pasifiki.
Kuwasili katika miezi minne hadi sita
Roketi hiyo imebeba moduli ndogo ya mwezi inayoitwa SLIM (Smart Lander for Investigating the Moon) na iliyopewa jina la "Moon Sniper", ambayo inapaswa kutua kwa miezi minne hadi sita kwenye Mwezi kwa usahihi wa hali ya juu, kwa umbali wa mita 100 kutoka kwa lengo lake dhidi ya kilomita kadhaa kawaida.
Takriban dakika 45 baada ya kuruka, kutenganishwa kwa SLIM kutoka kwa roketi yote kulifanikiwa, huku umati wa watu wakipiga makofi, wengine wakishangilia kwa shangwe na nderemo katika kituo cha udhibiti cha Jaxa, kulingana na matangazo ya moja kwa moja kwenye Youtube.
Kwa roboti za uchunguzi zinazohamishika, "kusafiri kwenye miteremko mikali na ardhi isiyo sawa bado inawakilisha kiwango cha juu cha ugumu. Ndiyo maana ni muhimu kutua kwa mafanikio (kwa vyombo vya anga) kwa usahihi wa hali ya juu ili kuwezesha uchunguzi bora katika siku zijazo," Jaxa imeeleza kwenye tovuti yake.
Katika tukio la kutua mwezini kwa mafanikio, SLIM pia italazimika kufanya uchambuzi wa muundo wa miamba inayopaswa kutoka kwa vazi la mwezi, muundo wa ndani wa Mwezi, ambao bado haujulikani sana, kwa kutumia kamera ya multispectral.
Kushindwa kwa Urusi
Mashindano ya kimataifa ya kufanya utafiti mwezini yanazidi kuongezeka: India ilifaulu mwezi Agosti kutua kifaa chake huko kwa mara ya kwanza, ikiwa na roboti ya rununu ikitoa picha na data ya kisayansi kutoka kwenye uso wa ncha ya kusini ya mwezi.