Jaribio la kombora la satelaiti: Urusi yazitaka baadhi ya nchi kutokuwa na wasiwasi
Moscow imezitaka baadhi ya nchi kutokuwa na wasiwasi baada ya shutuma za Marekani kuilaumu kwa uharibifu wa satelaiti ya zamani ya Usovieti, ambapo uchafu unaweza ukahatarisha maafisa waliokuwa kwenye Kituo cha Kimataifa cha Anga za Juu. Kwa upande wa shirika la anga za juu la Urusi, linasema kila kitu kinafanya kazi vizuri ndani ya ISS.
Imechapishwa:
Urusi imekiri Jumanne hii kwamba imefanya jaribio dhidi ya moja ya satelaiti zake za zamani zinazozunguka, ikithibitisha shutuma za Washington, lakini ikisema kuwa haikuwa hatari kwa ISS.
"Wahudumu wa ISS wanafanya kazi kulingana na mpango wa usafiri wa ndege. Vigezo vya obiti viko katika eneo linaloitwa kijani kibichi. Maswali mengine yote sio ya Roscosmos ”. Hivi ndivyo shirika la anga za juu la Urusi lilivyojibu baada ya Wizara ya Mambo ya Nje ya Marekani kuishutumu Urusi kwa kufanya jaribio la makombora ya satelaiti dhidi ya satelaiti ya zamani ya Usovieti ambayo inasemekana kuzalisha zaidi ya vipande 1,500 vya uchafu wa obiti unaofuatiliwa na mamia ya maelfu ya vipande vya uchafu mdogo wa obiti ambao sasa unatishia maslahi ya mataifa yote, ameripoti mwandishi wetu mjini Moscow, Jean-Didier Revoin. Uchafu unaoweza kuwa hatari kwa Kituo cha Kimataifa cha Anga, lakini pia kwa idadi kubwa ya satelaiti.
"Kusema kwamba Shirikisho la Urusi linaleta hatari kwa unyonyaji wa raia wa nafasi ni unafiki kusema kidogo. Hakuna ukweli kama huo, "Waziri wa Mambo ya nje wa Urusi Sergey Lavrov alisema.
Baada ya madai ya kurushwa kwa kombora hilo, wafanyakazi saba (Wamarekani wanne, Mjerumani na Warusi wawili) waliokuwa ndani ya Kituo cha Kimataifa cha Anga za Juu, leo wamelazimika kuhamia kwenye vyombo vya anga kwa mujibu wa taratibu za kawaida.