Ethiopia: Mustakabali wa eneo la Sidama kujulikana hivi karibuni
Watu wa kabila la Sidama nchini Ethiopia, siku ya Jumatano, watapiga kura ya maoni kwa lengo la kuunda jimbo lao, suala ambalo wachambuzi wa mambo wanasema linaendelea kuligawa taifa hilo kuelekea Uchaguzi Mkuu mwaka ujao.
Imechapishwa:
Tangu mwezi Julai, kumekuwa na maandamano yaliyosababisha watu zaidiu ya watu 10 kupoteza maisha na wengine kujeruhiwa katika makabiliano ya maafisa wa usalama na waandamanaji.
Ethiopia kwa sasa, ina majimbo tisa yanayojitegemea na katiba ya nchi hiyo inaitaka serikali kugharamia kura ya maoni iwapo kiutakuwa na kabila ambalo litataka kuunda jimbo lao.
Kwa muda wa siku tisa, zaidi ya wapigakura milioni 2.3 wamejiorodhesha. Mchakato ni rahisi sana, sawa na matokeo yanayotarajiwa kwa hamu na gamu na wakaazi wa eneo hilo.
Wakaazi wa Sidama wanasema kuwa wana imani kuwa eneo lao sasa linataka kujitawala, na hali hiyo itapelekea uchumi kuimarika na kujiendeleza kisiasa na kijamii.