Recep Tayyip Erdogan kuzuru Urusi baada ya sintofahamu kujitokeza
Recep Tayyip Erdogan anawasili nchini Urusi Jumatatu Septemba 4 kukutana na Vladimir Putin mjini Sochi, baada ya mwezi wa Julai ambapo rais wa Uturuki alionekana kumpinga mwenzake wa Urusi kuhusu masuala muhimu. Lengo lake la kufufua makubaliano ya Istanbul juu ya nafaka linaonekana kuwa ngumu kufikia katika hatua hii.
Imechapishwa:
Na mwandishi wetu huko Moscow, Anissa El Jabri
Akiwa amechaguliwa tena kwa shida, Recep Tayyip Erdogan, ingawa aliungwa mkono sana wakati wa kampeni yake na Vladimir Putin, alionekana kumpa kisogo. Katika mkutano wa kilele wa NATO huko Vilnius mwanzoni mwa mwezi wa Julai hasa, pamoja na kura yake ya "ndio" ya kujiunga kwa Sweden, na kabla tu ya idhni hii kwa kanuni, na tangazo la kurejeshwa kwa makamanda kadhaa wa jeshi la Azov.
Ishara hii iliamsha hasira ya Urusi: msemaji wa Kremlin alishutumu "ukiukaji wa moja kwa moja wa masharti ya makubaliano". Wapiganaji hawa, walioshawishiwa na propaganda za Kirusi, walipaswa kubaki kwenye ardhi ya Uturuki hadi mwisho wa mzozo.
Katika wiki za hivi karibuni, Uturuki iliongeza hatua zake za kutuliza mambo. Mara kadhaa, vyombo vya habari vya Uturuki vilitangaza ziara ya Vladimir Putin nchini Uturuki; hatimaye ni kinyume chake kinachotokea.
Mkuu mpya wa diplomasia ya Uturuki alikuja wiki iliyopita kujaribu kuweka sawa hali ya mambo huko Moscow, kwa kufanya mkutano na mwenzake Sergei Lavrov, kisha na Waziri wa Ulinzi wa Urusi Sergei Shoigu. Kama matokeo, orodha ya maombi ya Urusi ya kurudi kwenye makubaliano ya nafaka ni ya umma na ndefu sana.