Mazungumzo ya siri ya amani yaanza kati ya serikali ya Ethiopia na waasi wa Tigray
Nchini Ethiopia, mazungumzo yanaanza tena kimya kimya kati ya serikali ya Abiy Ahmed na waasi wa Tigraya wa TPLF. Baada ya makubaliano ya kusitisha mapigano yaliyodumu miezi mitano, mapigano yalianza tena mwishoni mwa mwezi Agosti. Lakini wakati pande hizo mbili hazisonge mbele kwenye uwanja wa vita, zinakutana nchini Djibouti kwa mpango wa Marekani.
Imechapishwa:
Ni mkutano wa kwanza kwa wiki mbili na kuanza tena kwa mapigano makali kaskazini mwa Ethiopia. Ujumbe kutoka serikali ya Ethiopia na wawakilishi wa Tigraya kutoka TPLF walikutana siku ya Alhamisi kwa mazungumzo ya siri nchini Djibouti. Mazungumzo haya yaliandaliwa na mjumbe wa Marekani katika Pembe ya Afrika, Mike Hammer, ambaye yuko Ethiopia tangu wiki iliyopita.
Kambi hizo mbili zinajua mwanzo vizuri, tayari zilikuwa zimekutana kwa siri nchini Djibouti wakati wa makubaliano ya Kibinadamu ili kukubaliana juu ya masharti ya mchakato wa amani. Wakati huo, miezi miwili tu iliyopita, mazungumzo yalionekana kuwa karibu sana, vinahakikishia vyanzo mbalimbali vya kidiplomasia, kabla ya vita kuanza tena mwishoni mwa mwezi wa Agosti.
Siku kadhaa za mazungumzo
Hoja za ni zile zile: hasa kusainiwa kwa usitishaji mapigano na mwisho wa kizuizi kwa Tigray. Masuala mawili mwiba pia yatajadiliwa. Suala la jeshi la Eritrea kungilia kijeshi katika vita kuisaidia Addis Ababa, na mustakabali wa Wolkait, eneo linalozozaniwa magharibi mwa Tigray.
Kwa mujibu wa mshirika wa karibu wa TPLF, mazungumzo haya yatachukua siku kadhaa.