rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Uchumi Afrika Ulaya Amerika IMF

Imechapishwa • Imehaririwa

Ripoti ya IMF: Ukuaji wa uchumi waendelea kudorora

media
IMF inasema uchumi wa dunia umeendelea kukua kwa kasi ndogo. REUTERS/Yuri Gripas

Ripoti mpya ya robo mwaka kuhusu uchumi wa dunia inayotolewa na shirika la Fedha Duniani, IMF, imeonesha ukuaji mdogo wa uchumi kidunia huku ikionya kuhusu vita vya kibiashara, uwezekano wa kukosekana kwa mkataba wa Brexit na changamoto nyingine vinachangia kudorora kwa ukuaji wa uchumi.


Kwenye ripoti yake, IMF inasema kuwa mizozo ya kibiashara imepunguza kasi ya uwekezaji na kudorora kwa sekta ya viwanda, IMF ikitoa wito kwa mataifa kutotumia tozo kumaliza tofauti zao.

IMF sasa inasema uchumi wa dunia umeendelea kukua kwa kasi ndogo ambapo katika mwaka 2019 uchumi wa dunia unatarajiwa utakuwa kwa asilimia 3.2 na asilimia 3.5 kwa mwaka 2020.

Aidha shirika hilo limesema ikiwa hali ya sasa itaendelea kushuhudiwa mfululizo, basi huenda mambo yakawa mabaya zaidi kwa mataifa mengi na hasa yale yanayoendelea.