rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa
  • Karibu kesi 6,000 ya udhalilishaji wa kingono ziliripotiwa Uber nchini Marekani mwaka 2017 na 2018 (rasmi)

Michel Platini UEFA FIFA Sepp Blatter Gianni Infantino CAS

Imechapishwa • Imehaririwa

Michel Platin awakashifu majaji waliomfungia kujihusisha na soka

media
Michel Platini, mwezi Agosti 2014, katika mji wa Monte Carlo. REUTERS/Eric Gaillard/Files

Rais wa zamani wa shirikisho la mpira barani Ulaya UEFA Michel Platin amewataja majaji waliomuhukumu kutojihusisha na soka kwa muda wa miaka nane kuwa ni “ujinga” na kudai kuwa “atathibitisha ukweli”.


Mchezaji huyu wa zamani wa timu ya taifa ya Ufaransa na klabu ya Juventus ya Italia alishuhudia adhabu yake ya kutojihusisha na soka kwa muda wa miaka 8 kutokana na kupkea malipo haramu ya dola milioni 2 za Marekani kutoka kwa rais wa zamani wa FIFA Sepp Blatter, ikipunguzwa kwa miaka miwili na majaji wa mahakama ya haki za binadamu mwezi Januari.

Lakini licha ya kuwa adhabu yake ilipunguzwa kwa miaka miwili na kuwa miaka minne kutokana na rufaa yake kwenye mahakama ya michezo CAS, Michel alidai kuwa hukumu aliyopewa kutojihusisha na soka hadi mwezi Octoba 2019 haikuwa ya haki.

“Siwezi kukubali kushindwa wakati nikiwa sijafanya kosa lolote. Wamenizuia nisifanye kazi kwenye mpira wa miguu kwa miaka minne! Hawa ni watu gani wa ajabu wanaonizuia?” alisema Platin.

“Majaji takataka wa FIFA na CAS hata sio majaji wa kweli.” aliongeza kiongozi huyo wa zamani kwenye soka.

Kuondolewa ofisini kwa Platin kulimfanya akose nafasi ya kumrithi Blatter kama raia wa FIFA, shirikisho ambalo sasa linaongozwa na aliyekuwa katibu wake mkuu UEFA, Gianni Infantino.