rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Palestina Venezuela Mahmoud Abbas Nicolas Maduro

Imechapishwa • Imehaririwa

Rais wa Palestina Mahmoud Abbas azuru Venezuela

media
Kiongozi wa Mamlaka ya Palestina, Mahmoud Abbas. REUTERS/Ammar Awad

Rais wa Mamlaka ya Palestina, Mahmoud Abbas, aliwasili siku ya Jumapili jioni nchini Venezuela ambapo anatarajiwa kukutana na mwenyeji wake Nicolas Maduro, ambaye anaunga mkono madai ya Palestina kwenye jumuiya kimataifa.


Waziri wa Mambo ya Nje wa Venezuela, Jorge Arreaza alimpokea Bw. Abbas kwenye uwanja wa ndege wa kimataifa wa Maiquetia, karibu na Caracas. Kiongozi wa mamlaka ya Palestina anatarajia kupokelewa Jumatatu hii kwenye ikulu ya Miraflores ili kukutana na rais Maduro.

Ziara hii inakuja wakati ambapo Bw. Abbas alifutilia mbali shtuma za Israeli, Marekani, Umoja wa Ulaya na Umoja wa Mataifa baada ya kutoa hotuba mbele ya baraza la Usalama la kitaifa nchini Palestina tarehe 30 Aprili, akionyesha kwamba mauaji yaliyotekelezwa dhidi ya Waisrael barani Ulaya, kupitia historia yake, yalisababishwa na ubaguzi wao katika jamii, hasa katika sekta ya benki.

Hata hivyo siku ya Ujumaa wiki iliyopita mahmoud abbas aliomba radhi kufuatia kauli yake hiyo na kulaani "ubaguzi na vitendo viovu vya kila aina".

Nicolas Maduro anatarajia kuwania muhula mwengine wakati wa uchaguzi wa urais wa Mei 20i, ambao utasusia na upinzani na ambao mfumo wake umeendelea kukosolewa kwa sehemu kubwa na jumuiya ya kimataifa.

Mnamo mwezi Januari, Waziri wa Mambo ya Nje wa Palestina, Riyad al-Malki alifanya ziara ya kikazi mjini Caracas, ambapo alipokea uungwaji mkono wa serikali ya venezuela dhidi ya uamuzi wa Washington wa kutambua Jerusalem kama mji mkuu wa Israeli na kuhamisha ubalozi wake katika mji huo.