rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Uganda Bobi Wine Yoweri Museveni

Imechapishwa • Imehaririwa

Bobi Wine akabiliwa na mashitaka ya kufanya maandamano kinyume cha sheria

media
Robert Kyagulanyi anayefahamika kwa jina maarufu la Bobi Wine ni mkosoaji na mpinzani mkubwa kwa utawala wa rais Yoweri Kaguta Museveni. AFP PHOTO/Michele SIBILONI

Polisi nchini Uganda inamshikilia tangu Jumatatu wiki hii mwanamuziki na mbunge wa Kyadondo, Robert Kagulani maarufu kama Bobi Wine na tayari amefunguliwa mashtaka.


Bob Wine alipandishwa kizimbani katika mahakama moja jijini Kampala na kusomewa mashtaka ya kuandaa mkutano na kufanya maandamano kinyume cha sheria mwaka 2018 na baadaye kuzuiwa katika Gereza la Luzira.

Mmoja wa wanasheria wa Bob Wine, Asuman Basalirwa amesema mteja wake amekamatwa kwa sababu za kisiasa.

Hata hivyo Serikali kupitia kwa naibu msemaji, Shaaban Bantaliza, anasema Bob Wine pamoja na watu wengine wanaopenda kuandamana bila kufuata sheria hawataachwa na mkono wa sheria.

Bob Wine anatajwa kuwa tishio kwa mustakabali wa siasa za rais Yoweri Kaguta Museveni.