rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Venezuela Marekani Siasa

Imechapishwa • Imehaririwa

Marekani na Urusi zawasilisha azimio kuhusu Venezuela

media
Wajumbe wa baraza la usalama la Umoja wa Mataifa wakipiga kura. UN Photo/Loey Felipe

Marekani na Urusi zimewasilisha maazimio yanayokinzana kwenye Baraza la Usalama la Umoja wa Mataifa kuhusu hali ya kisiasa nchini Venezuela.


Marekani inamtaka rais Nicolas Maduro kukubali kufayika kwa Uchaguzi mpya wa urais haraka iwezekanavyo, lakini pia kuhusu misaada ya kibinadamu kuingia nchini humo.

Hata hivyo, Marekani haijasema inataka uchaguzi huo ufanyike lini, wakati huu ikiitaka jumuiya ya Kimataifa kumuunga mkono kiongozi wa upinzani Juan Guido kama kiongozi wa Venezuela.

Hata hivyo, Urusi nayo inataka katika azimio lake, mataifa ya nje yaache kuingilia siasa za ndani ya Venezuela na rais Nicolas Maduro, atambuliwe kuwa rais halali wa nchi hiyo.

Kwa namna ya mambo yalivyo, Marekani na Urusi zinatarajiwa kutumia kura zao za veto, kuzuia maazimio hayo.

Katika hatu nyingine, kiongozi wa upinzani ameonya dhidi ya serikali ya rais Maduro kukataa kuruhusu misaada ya kibinadamu kuingia nchini humo, wakati uo huo Maduro akionya kuwachukua hatua kali wale watakaojaribu kuleta vurugu katika nchi yake.