rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Ufaransa Marekani Emmanuel Macron Donald Trump

Imechapishwa • Imehaririwa

Macron atoa mtazamo wake kwa bunge la Congress la Marekani

media
Rais Macron akipigiwa makofi na Makamu rais Mike Pence na Spika wa Baraza la Wawakilishi Paul Ryan wakati akilihutubia baraza la Congress la Marekani Jumatano, Aprili 25, 2018. REUTERS/Aaron Bernstein

Rais wa Ufaransa Emmanuel Macron amelihotubia bunge la pamoja la Congress nchini Marekani na kukosoa sera ya rais Donald Trump ya Marekani kwanza.


Macron amesema sera hiyo, inatishia kutoendelea kwa dunia haraka.

Akipigiwa makofi na wabunge wa Marekani kwa muda wa dakika tatu, kiongozi huyo wa Ufaransa amesisitiza kuwa ni lazima Iran isiruhusiwe kuwa na silaha za nyuklia.

Makubaliano ya Marekani na Ufaransa kuwa kuna umuhimu wa kuwa na mkataba mpya wa kuisitisha Iran kuendelea na mradi huo, umeikasirisha serikali ya Tehran.

Rais Hassan Rouhani amesema nchi yake haitashiriki kwa namna yoyote ile katika makubaliano mapya iwapo yatafanyika. Makubaliano ya sasa kati ya Tehran na Mataifa ya Magharibi kwa nchi hiyo kutoendelea na urutubishaji wa madini ya uranium kwa miaka 10 ijayo.