rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Congo Brazzaville Ufaransa Denis Sassou Nguesso Emmanuel Macron Jean Yves Ledrian

Imechapishwa • Imehaririwa

Drian amuomba Rais Sassou-Nguesso kuchukua hatua kwa kiongozi wa upinzani Mokoko

media
Emmanuel Macron akimpokea Denis Sassou-Nguesso Élysée Septemba 3, 2019. © ludovic MARIN / AFP

Rais wa Congo Denis Sassou-Nguesso amepokelewa Jumanne, Septemba 3 katika ikulu ya Elysee kwa chakula cha mchana na Rais Macron. Mazungumzo yao yaligubikwa na suala la mazingira na uchumi.


Kabla ya mkutano huo, rais wa Congo alikutana na Waziri wa Mambo ya Nje wa Ufaransa Jean-Yves Le Drian na walizungumzia masuala nyeti hususan hali ya kisiasa nchini Congo.

Waziri Jean-Yves Le Drian amebaini kwamba amemuomba rais wa Congo kuchukuwa "hatua" kwa mwanasiasa wa upinzani Jean-Marie Michel Mokoko na watu wengine wanaofungwa.

Bw Drian amesema : nilimwambia nikisisitiza kuhusu suala hilo"

"Maneno haya ya Jean-Yves Le Drian yamepokelewa shingo upande na ujumbe wa Congo.

Jean-Claude Gakosso, Waziri wa Mambo ya nje wa Congo amesema: "Maneno haya nimeyapokea jinsi yalivyo. Lakini namfahamu vizuri Jean-Yves Le Drian na ninaweza kuthibitisha urafiki alio nao kwa Rais Sassou. Ni marafiki, kwa hiyo wanaweza kuongea mambo mengi.

Akiulizwa iwapo kuachiliwa kwa haraka kwa mpinzani Jean-Marie Michel Mokoko, anayezuiliwa kwa miaka mitatu sasa, inawezekana kwa upande wa rais Sassou, Waziri wa Mambo ya Nje aw congo amejibu akisema: "sijui, ni swali ngumu, nisingependa kutoa maoni yoyote, kwani suala hili liko mikononi mwa vyombo vya sheria ambavyo ninaheshimu. "