rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa
  • Burkina Faso: Askari 8 wauawa katika mlipuko wa kifaa kilichotengenezwa kienyeji (ikulu)
  • Papa Francis atoa wito kwa Wakatoliki wa China kuboresha maridhiano

DRC Ebola Afya

Imechapishwa • Imehaririwa

Kanisa Katoliki nchini DRC lahofia maambukizi ya Ebola

media
Raia wa DRC wakipewa chanjo ya kuzuia ugonjwa hatari wa Ebola REUTERS / Kenny Katombe

Kanisa Katoliki nchini Jamhuri ya Kidemokrasia ya Congo, linasema lina wasiwasi kuhusu kuendelea kuripotiwa kwa maambukizi mapya ya virusi hatari vya Ebola Kaskazini Magharibi mwa nchi hiyo.


Hadi sasa watu 25 wamepoteza maisha na 54 kuambukizwa, huku wengine 1,139 wakiChunguzwa kwa karibu baada ya kukaribiana na watu waliambukizwa.

Kauli hii imetolewa na Askofu wa Kanisa hilo Fridolin Ambongo ambaye ametembelea mji wa Mbandaka na Bikoro maeneo ambayo yameathiriwa na ugonjwa huo.

Askofu Ambongo amesema, hofu imetenda kote katika maeneo yaliyoathiriwa na Kanisa Katoliki, limesitisha kwa muda mikutano ya hadhara ikiwepo, ubatizo na ibada ya kuwasimika makasisi iliyokuwa imepangwa kufanyika tarehe 3 mwezi ujao katika mji wa Mbandaka, imeahirishwa.

Kanisa hilo, limeungana na maafisa wa afya kutoa wito kwa wakaazi wa Kaskazini Magharibi mwa nchi hiyo, kuacha kusaliamiana au hata kugusana na kunawa mikono yao kwa sabuni na maji safi, ili kuepuka kuambukizwa ugonjwa huo.

Shirika la afya duniani WHO, nalo limeedelea kutoa chanjo katika njia mojawapo ya kupambana na ugonjwa huu hatari.