rfi

Hewani
  • RFI Kiswahili
  • Sikiliza taarifa ya Habari
  • RFI kwa Kifaransa

Afrika Kusini Cyril Ramaphosa

Imechapishwa • Imehaririwa

Ramaphosa asitisha ziara yake kufuatia machafuko Magharibi mwa nchi

media
Rais wa Afrika Kusini Cyril Ramaphosa amewataka raia wake kuwepo kwa utulivu magharibi mwa nchi hiyo na kutoa wito kwa polisi kutotumia nguvu kupitia kisiasa dhidi ya waandamanaji. REUTERS/Siphiwe Sibeko

Rais wa Afrika Kusini Cyril Ramaphosa amelazimika kusitisha ziara yake nchini Uingereza anakohudhuria mkutano wa viongozi kutoka mataifa ya Jumuiya ya Madola ili kurejea nyumbani kutokana na machafuko yanayoshuhudiwa Kaskazini Magharibi mwa nchi hiyo.


Wakaazi wa mkoa huo wamekuwa wakiandamana, na kupora mali za wafanyibiashara hasa kutoka nje ya nchi hiyo kwa madai ya kuwa wanataka ajira, makaazi bora na kumalizwa kwa ufisadi.

Shughuli zimekwama katika mji mkuu wa mkoa wa Mahikeng, huku maduka yakisalia kufungwa na waandamanaji kuteketeza kwa moto matairi barabarani wakitaka pia kujiuzulu kwa viongozi wa mkoa huo.

Rais Ramaphosa anarejea nyumbani kujaribu kumaliza machafuko hayo ambayo yameelezwa na kiongozi wa eneo hilo Supra Mahumapelo kuwa yamechochewa kisiasa.

Kuporwa kwa mali na uharibu unatokea ni pigo kwa serikali ya rais Ramaphosa ambaye wiki hii, ametumia muda mwingi akiwa jijini London kuwashawishi wawekezaji kuja kuwekeza nchini humo.

Rais Ramaphosa ametaka kuwepo kwa utulivu na kutoa wito kwa polisi kutotumia nguvu kupitia kisiasa dhidi ya waandamanaji.